Les mots surlignés font l'objet d'une note
1Reçue à Grenoble, le 21 février 1573.
2Monsieur de Gordes, ayant advisé de faire une bonne somme de deniers pour
3employer au rachapt de mon domaine en Daulphiné, jay adressé lettres de commission
4au Sr Maniquet pour la vente de quelques boys de haulte fustaye audit pays,
5en laquelle jay comprins la forest de Servette, distant du Chasteau de
6Montmelien dune lieue seullement. Toutesfois, ayant esté adverty que la couppe
7de ladite forest pourroit à ladvenir porter grand prejudice et dommaige à mes
8subjectz pour estre limitrophe entre ledit pays de Daulphiné et la Savoye,
9et que en temps de guerre mes subjectz ont accoustumé se retirer en ladite
10forest nayans aultre refuge plus commode ny asseuré, joinct que sil
11advenoit une necessité, il ny a es envyrons aucuns boys qui peussent servir
12à la fortiffication de nos places fortes qui y sont, jay bien voullu pour
13ces occasions faire surceoir lexecution de ladite commission pour le regard de
14ladite forest tant seullement, ayant pour cet effect escrit audit Maniquet
15de ne proceder à la vent[e] dicelle, iusques à ce que j’en aye aultrement ordonné.
16Et daultant qu’en cela vous pouvez avoir plus de cognoissance que nul aultre,
17je vous prye de minformer plus amplement de tout ce que dessus et du
18dommaige et prejudice que pourroit apporter la vente de ladite forest
19pour sur ce me resouldre de ce quil y fauldra faire, et ce pendant
20vous tiendrez la main à ce quil ne se face aucune vente en ladite forest.
21Et nestant la presente à autre fin, je prieray le Createur vous tenir, monsieur
22de Gordes, en saincte garde. Escrit à Paris, le IXe jour
23de fevrier 1573.
24Charles
25Dolu